Dimapur, October 08 (TYO): Nagabazar Youth Organization aser Senapati Football Club nati takok ngua tang tasayadak 16 buba NSF asayamong quarterfinal nung shilem agitsü jenjang tanü Brehostibar nü nguogo.
Tanü mezüngbuba asaya nung Nagabazar teloki tie-breaker metsütepba sülen goal 5-4 agi Headwinds FC Kohima telok madak takok ngua liasü.
Tan asayamong nung hat-trick yanglur asayar 12 buba küma Menuokhrietuo-i tanü asaya nung par Headwinds telok asoshi goal 3 agütsü.
Ajisüaka, Khekuto Shohe-i goal 1 aser Neiphivilie Seyie-i goal 2 agütsüba densema par Nagabazar telokia goal 3 tashi agütsüba yong par telok anapronglai goal 3-3 agüja asayaji draw nung tembang.
Tesülen, takoker shimtsü asoshi tie-breaker metsütpedang Nagabazar teloki goal 5-4 agüja asayaji kokadok.
Nagabazar teloki Pro-Streax United Dimapur telok den tan Honibar nü quarterfinal asayatsü lemzükogo.
Senapati telokia goal 1 agi MT Youth Club Kohima telok madak tanabuba asaya akok.
Tanü asaya atazüktsüba mapang tembang tashi nung telok anapronglai goal kata magütsüteti kasa jenjang angu.
Ajisüaka, injury added time nung Momoy Viephai-i pa tekolak agi tongokja goal 1 agütsüba yong par Senapati teloki goal 1-0 agi takok ngua liasü.
Senapati telokia Addax FC, D. Khel Kohima Village den tan Honibar nü quarterfinal asayatsü lemzüka lir.
October 9 nü quarterfinal asaya yamai alitsü:
Barak FC Peren vs Laü Youth & Students Organisation, Manipur @ 11:30 am
Khulioh King Tuensang vs Alianza FC Dimapur
@ 1:30 pm
You must be logged in to post a comment Login