Nagaland Adventure Club-i tenüngsang agütsür

Dimapur, April 01 (TYO): Motorsports Club of Arunachal (MCA) teloki ayonger tawa agiba JK Tyre Arunachal Festival Of Speed 2016 (AFOS) tetoktepba nung Nagaland Adventure Club (NAC) züngsem, Lima Jamir aser Kevin Puro nati takok tulu ngua shilem agiba atema pelaba olen ka NAC telok tenüng nung Akum Lkr, Secretary, NAC-i tanü sangdong ka ajanga metetdaktsüogo.
FMSCI-i nungita agiba tetoktepba nung taoba MRF rally gari anishir, Philippos Mathai; team Volkswagen gari anishir, Dean Mascarenhas; Raid de Himalaya champion 9 ben tashi akümsang, Suresh Rana aser Rahul Kanthraj nunger densemba tongti gari toktepa anishirtemi shilem agia liasü.
Taoba Raid de Himalaya champion, Lima-i North East Class tetoktepba nung 1 buba aser Sports Utility Vehicle (SUV) tetoktepba nung 2 buba jenjang ngua NAC aser Nagaland na nem konang tulu bener arutsü.
Kevin-ia Quad tetoktepba nung 3 buba jenjang anguba osang jangjaogo.