Nagaland Angh Acharya-i K.K. Roy Choudhury asüba mangyimer

Kohima, Nobvember 28 (TYO): Nagaland Angh, PB Acharya-i November 28, 2017 nü SM, VSM, Director, Rajya Sainik Board, Brig (Retd) K.K. Roy Choudhury ajungbena asüba atema mangyimba osang lemsatep.
Angh-i, asür K.K. Roy Choudhury ya sepai tajung ka aser nisung tajung ka liasü, ta ashi.
“Pa ya asen state nung Ex-Servicemen Director liasü aser Rajya Sainik Board Tir liasü, ibayongji pa den külemi inyaksemtsüsa ni maongka angu aser state ex-Servicemen atema welfare schemes aika ketdangsüa inyakogo. Ex-serviceman ajak atema bilemja inyaker captain asübaji ni asoshia takoksa,” ta Angh-i ashi.
Asür Brig (Retd) K.K. Roy Choudhury, SM, VSM ya 2011 küm November 30 nü Gwalior nung NCC Officers Training Academy Commandant nungi anisüngzüka liasü aser 2015 küm March 25 nungi pa tasünü tashi Rajya Sainik Board Director inyaka liasü.
Angh-isa, “Mangyimer kibong den ni mangyim jashi lemsateper, iba den külemi Tsüngremi mangyimer kibong nem tashi agüjang ta sarasademtsür,” ta lemsatep.