Nagaland Angh & CM nati Onam salem metetdaktsür

Dimapur, September 13 (TYO) : Nagaland Angh, P.B Acharya-i Malayalee nunger den Onam benjungmung salem osang metetdaktsü.
Kerala nunger benjung ya lokti mesüra rongsen telemsa kecha melii amunger aser iba benjung ajanga azükaru aser tepela bener arutsür. Iba benjung ajanga telongjem aser chichiba temeim, yimjung aser azükaru bener arutsü imlar, ta P.B Acharya-i sangdong ka nung metetdaktsü.
Ano Nagaland Chief Minister, TR Zeliang-ia sangdong ka nung Nagaland nung aliba Kerala nunger ajak den Onam benjung salem metetdaktsü.
Malayalee nungertemi alima tesem balala nung Onam benjung amungtsü. Iba benjung ajanga nisung ajak dangi temeim, telongjem aser teputep bener arutsütsü imlar, ta Media Cell, Chief Minister’s Office Nagaland-i sangdong nung shia lir.