Nagaland Angh-i 51 buba BSF Raising Day nung aden

Dimapur, December 13 (TYO) : December 12, 2016 nü 93 Battalion, Border Security Force (BSF) Head Quarter Chedema nung 51 buba Raising day amung.
Iba sentong nung tongti tesemdangerji Nagaland Angh, P.B. Acharya liasü aser pai o jembidang, sepaitemi linük asoshi taküm bendanga agütsütsü aser ochishia linük tenzüktsü atema ayongzük.
Sepaitemi nübortem lendong nungi kümzüka ayutsü atema bendanga agüja inyakba atema tenüngsang agütsü aser paisa benjungmung milen tsükloktsü.
Raising day benjungmung nung kaketshirtem, lanurtem aser BSF Jawan temi shilem balala agi.