Nagaland angh-i Christmas salem agütsür

Kohima, Dec. 20 (TYO) : Nagaland angh, Wb.P.B Acharya-i Nagaland nung alir nübortem ajak dang Christmas salem agütsür ta metetdaktsüogo. ” Ibai Yisu asoba benjong aser iba mapang Christmas temeim bilemteta sempet agütsüteper,” ta paisa metetdaktsü.
Christmas tetezü temeim aser angati tajung inyakba mapatem lir. Iba tangatetba yagi nüngdakba purtem yariba, teimla makaba purtem nem teimla agütsüba aser alima nung yimjung aser tangatettep adokdaktsüba mapatem sayur. Iba ama anogo ka nung asenoki Tsüngrem dang nisung ajak junga alitsü, yimji yimjung aser terenlok atema sarasademdi ta anghisa ayongzük.
Paisa nisung ajak dang tepela Christmas aser küm tasen salem metetdaktsüogo.