Nagaland Angh-i Deo Nukhu den asüku lemsar

Dimapur, December 9 (TYO) : December 7, 2016 nü Naga Hospital, Kohima nung nübo, Rhipi Nukhu asüba osang angashia temulung raksar ta Nagaland Angh, P.B Acharya-i Parliamentary Secretary, Deo Nukhu dangi züluba shidi ka nung shia lir.
Asür Rhipi Nukhu-i wadang balala nung loktiliba tenzükogo aser pai inyakba mapatem nübortemi teti bilemtettsü. Ni aser kü kinüngtsü Kavita nati nür kibong den asüku lemsar aser Tulusangi nenok nem tashi aser tesünep agüjang ta sarasademtsür, ta Nagaland Angh-isa ashi.