Nagaland Angh-i Eid salem abener

Kohima, September 11 (TYO): Nagaland Angh, P.B Acharya-i Muslim nungertem dang Eid benjung salem osang metetdaktsüogo.
Sangdong ka ajanga Angh-i, “Id-Ul-Zuha benjungmung nung ni Nagaland aser linük nung alir Muslim nunger adianu aser aianutsürtem ajak dangi salem abener, iba benjung ya sarasadem, tepela lemsatepba aser sempet agütsütepba benjung lir. Iba benjungmong ajanga kin aser tamangba telemsa kecha makai telongjem bener arutsütsü aser state nung nübur telemsa ajak tsüngda tesünep alitsü ta amanger,” ta metetdaktsü.
“Iba anogomong ajanga ajak nem tepela agüjang aser asen lima nung tesünep den azükaru lidakjang. Nisung ajak den tepela Eid Mubarak lemsateper,” ta Angh-isa lemsatep.