Nagaland Angh-i GPP office lapoktsü

Dimapur, December 17 (TYO) : December 17, 2016 nü Nagaland Angh, P.B Acharya-i Kohima nung Gorkha Public Panchayat New Office Building cum Library lapoktsü.
Iba office ya GPP complex, Chandmari nung lir.
Angh-i o jembidang Kohima nung Gorkha nungertem dang loktiliba nung telongjem aser temeten bener arutsü atema lennir tajungtem adokdaktsütsü merangtsüla ta tayongzükba agütsü. Paisa tsüraburtem dang pei chirnur nem shisaliok jenjang tajung angazükdaktsütsü atema ajungmeso.
Nagaland Chief Secretary, Pankaj Kumar IAS-ia iba sentong nung tetushi süa jaoker ama shilem agi.
Sentong nung mendenji Dr. Santa Gurung liasü aser Advisor & taoba President GPPK, Smti. Gayatri Devi-i anküp tepela o jembi.