Nagaland Angh-i Kohima Smart City Projects asadang

Dimapur, Rongjui/Sept. 18 (TYO): Nagaland Angh Nand Kishore Yadav-i September 18, 2026 nü Lok Bhavan, Kohima nung Kohima Smart City Development Limited (KSCDL) ketdangsürtem den senden ka mena liasü.

Iba senden nung ketdangsür temi Kohima Smart City Mission kübok projects balala inyakba nung terenlok aliba, takok anguba aser tang jenjangtem tejangja agi lemsatepa liasü.

KSCDL ketdangsür temi ashiba agi, Kohima ya Smart Cities Mission kübok September 20, 2016 nung shim aser iba Smart Cities Mission ya March 31, 2026 nung tembangogo.

Iba Mission kübok sanction asüba projects 34 renemogo aser iba den ano projects talila trok renemog, ta ketdangsür temi ashi.

Ketdangsür temi Angh dang KSCDL kübok tongtipang projects tem aser urban infrastructure development mapa inyakba indang lemsatepdang, Kohima City Centre, hotel building, commercial complex, multi level car parking facilities, Mini Sports Complex, Kohima Local Ground, Capital Cultural Hall, community halls, accessible footpaths aser tanga nüburtemi amshiba tesemtem yangluba indang lemsatepa liasü.

Item projects yagi urban amenities, mobility, smart services, public spaces aser city centre infrastructure tem awajema liasü.

Iba senden nung Integrated Command and Control Centre (ICCC) indaga awajema liasü, koba renema commission süogo. Tang ICCC yagi 24×7 CCTV surveillance, traffic management, ANPR-based vehicle monitoring, public safety and security, police coordination aser investigation-related surveillance support nung yariteper.

Kohima tesem 80 nung CCTV surveillance inoka lir aser November 2025 nungi September 2026 tashinung bushisüngdangba nung ICCC surveillance data agi yariba nung ken o akokba shilem 76.47 lir ta ashi.

Ano Smart Cities Mission tembangba sülen tarutsü nung KSCDL indang institutional arrangement atema Angh den lemsatepa liasü.

Revenue adokdaktsüba urban assets aika iba Mission kübok amenoka tang tashi shidak amshir, aser item services nungi senotsü aruba ya ano public amenities aser services tali yaritsü tebilemba lir, ta Angh dang ashi.

SPV ya iba Mission tembangaka ano maneni inyaktsü state sorkari asadangba mapang lir, ta parnokisa ashi.