Nagaland Angh-i ‘Lao-ong Mo’ salem abener

Dimapur, September 27 (TYO) : Konyak nunger “Lao-ong Mo” benjung nung kü kinüngtsü künati Nagaland nung Konyak  nunger ajak den tepela salem lemsateper, ta Nagaland Angh, P.B Acharya-i sangdong ka nung metetdaktsü.

Nagaland sorkari Lao-ong Mo benjung agizüka official festival list nung densemdaktsüba atema pelar. Iba benjungmung nung Tsüngrem taochi atema pa nem tenüngsang agüja amungdang, Konyak nunger dangi dang masü saka Nagaland nung alir ajak dangi yimjung, telongjem aser putepa aliba tangatetba bener arujang ta moatsür, ta Acharya-isa ashi.

Iba benjungmung nung ni Konyak nunger dang pei medemer aser sensotem den tesentaktep akangshitsü aser ibaji ajanga Nagaland nung yimjung tensa bener mepishir, ta Nagaland Angh-isa sangdong nung shia lir.