Nagaland Angh-i merükmejutsü ayongzüker

Dimapur, October 1 (TYO): Mahatma Gandhi sor küm 150 ajungba tenüng nung India-i merükmejuba indang benjong amonger aser Nagaland nung alirtemia linük den külemi iba benjong amonger, ta Nagaland Angh R.N Ravi-i ashi.
Mahatma indang taküm nung merükmejuba ya kanga tongtipang liasü aser pa atema tamangba yimsü tsütsü asüngteta aliba sülenbo merükmejua aliba ya ta züngshi, ta Angh-i metetdaktsü.
Mahatma Gandhi meimertemi pa nem tetushi agüja asen kidang, yimtsüng, jila, mapa inyakdak, shisaliok rejutem aser public tesem ajak merükteta ayutsü ayongzüker, ta paisa ashi.