Nagaland Angh-i Mongmong salem metetdaktsür

Dimapur, September 2 (TYO) : Nagaland Angh P.B Acharya-i Sangtam nunger ajak dangi Mongmong benjung salem metetdaktsüogo.
Sangtam nunger atema Mongmong benjung ya kanga tongtipang mapang ka lir aser iba benjung nung kija nungi kibong aser loktilibai Tsüngrem nem tenüngsang agütsür, ta PRO Raj Bhavan sangdong ka nung metetdaktsü.
Iba benjungmung ajanga Sangtam nunger dangi dang masü saka Naga nunger ajak dangi yimjung aser telongjem bener arutsütsü moatsür, ta Angh-isa ashi.