Nagaland Angh-i Naidu nem tenüngsang agütsü

Kohima, August 09 (TYO): M Venkaiah Naidu linük tatong Tir shimba atema Nagaland aser Arunachal Pradesh Angh, PB Acharya-i pa nem tenüngsang agütsüogo, ta PRO to Govoner-i tanü sangdong ka ajanga metetdaktsü.
Angh-i shidi ka ajanga tang tasen shimba linük tatong Tir, Naidu dang, “Na Union Minister inyakdang nai ajangshiba balala ajanga asen tetsü tasoli Bharat kanga nendaka tenzüktettsü aser linük junga yangertettsü,” ta metetdaktsü,
Angh-isa Naidu dang, “Kü den kü kinüngtsü Kavita napronglai na aser ner kibong dangi salem osang abener. Na Delhi nung ajurutsü yongyaa atar,” ta metetdaktsü.
August 11, 2017 nü New Delhi nung linük tatong Tir tenangzükba agiba sentong agitsü, aser iba sentong nung state Angh, Acharya-a adentsü, ta sangdong nungsa shia lir.