Nagaland Angh-i NE states nung Swachh Bharat Mission atema Ambassadors shim

Kohima, Luroi/August 16 (TYO): Nagaland Angh aser Swachh Bharat Mission atema National Brand Ambassador, P B Acharya-i “North East NAMASTE States Swachh Bharat Mission” committee nung züngsemtem atema Assam nungi Neelam Dutta, Manipur nungi Ihohal Singh, Tripura nungi Ram Pada Jamatia aser Nagaland nungi Shoupen Phom nunger Brand Ambassadors shimogo, ta PRO to Governor sangdong ka nung metetdaktsü.
Iba dak alia iba Committee nung Convenor ji Arunachal Pradesh nungi Sotai Kri shim.
Swachh Bharat Mission ya Ato kilonser, Narendra Modi-i 2014 küm Mongputeni/October 2 nü tenzük, aser iba Mission kübok ki crore ka nung metsümeshidak aser lokti atema metsümeshidak crore 2.52 yanglur.
Iba Mission nükjidong ya moapu nung scü kozüba aser nisung nem ongken nungi scü agiteta indokdaktsüba yimya anentsü atema lir, iba dak alia tanü putu dak apet tim agi janaona indoktsü atema lir.
Iba Mission ajanga Mahatma Gandhi sor küm 150 ajungba anogo, 2019 küm October 2 nü tashi nungbo ‘Clean India’ nükjidong ataloktsü atema rangloker inyaker.
Tang tasen shimba committee züngsemtem dang noksa densema parnoki inyakba mapatem osang küm nung pezüben Angh, Acharya nem agutsütsü metetdaktsüogo.
Angh-i, North East NAMASTE States nung tanüngba Brand Ambassadors ji kobi melii shimtsü, ta metetdaktsü.
“North East NAMASTE States Swachh Bharat Mission” Committee-i peipei state sorkari shimba State Committee den yaritepa inyaktsü.