Nagaland Angh-i NF Railway Dimapur station ajungkettsü meranger

Nagaland Angh-i ketdangsüa NF Railway Dimapur station (DMV) nung mapa terenlok mapa teinyakdak aliba noksa nung angur.

Dimapur, October 17 (TYO) : Nagaland Angh, P.B. Acharya-i NF Railway Dimapur station (DMV) jenjang tajungba kümdaktsütsü atema mapatong aika tenzüka inyakdakagi.
Mapatem rongnung unreserved ticketing system counters, (UTS), Ticket checking, differently abled persons atema parking space, FCI nung storage capacity ulushiba, merükmejuba aser security akangshibatem lir.
Angh-i ketdangsüba kübok August 8, 2016 nü Dimapur Railway station (DMV) nung unreserved ticketing system (UTS) counters pezü lapokogo aser iba ajanga ticket aliba inyakyim tezübaba kümogo. Ano, station merükmejua ayutsü atema DMV-i teti mita repranger aser menen-mechirtem dang senchi achir.
DMV station tajungba kümdaktsütsü nükjidong nung ADRM/ LMG lenisüba kübok committee ka tentetogo aser parnoki public nungi tebilembatem meshia mapa inyaker.
Angh-isa differently abled person tem asoshi parking area balaka yanglutsü renemogo aser iba asoshi railway ketdangsertemi parking area ka shima parking contract lemzüktsüogo aser tan nungi iba mapa tenzüktsü.
Maneni, railway station kümzüka ayutsü atema sepaitem senzüsenbongertem aser khutem mita repranger aser CCTV cameras enokogo.