Nagaland Angh-i NPSC züngsem S. Chonta Khim tenangzükba agidaktsü

Dimapur, March 16 (TYO) : March 16, 2016 nü Nagaland Angh, P.B. Acharya-i S. Chonta Khim nem Nagaland Public Service Commission (NPSC) board züngsem inyaktsü atema tenangzükba agidaktsü.
Iba sentong ya Raj Bhavan Kohima nung agi aser Chief Secretary, Pankaj Kumar IAS-i sentong len anir agi.
Khiamniugan nunger S. Chonta Khim ya Tuensang District kübok Choklangan yimer asür Shouchiu’er jabaso lir. Pa indang educational qualification ji BA. LLB aser pa advocate inyaker aser Social worker ka lir.