Nagaland Angh, PB Acharya arishi küm 85 jungogo

Nagaland Angh, PB Acharya arishi küm 85 jungogo

Jakhama Militaru Station nung ESM Rally alidang Angh, PB Acharya-i  ESM Booklet sayatsüba sülen GOC 3 Corps Lt Gen Bipin Rawat aser army ketdangsertem den noksa tangokba angur. 

Kohima, October 08 (TYO): Tanü October 08, 2015 nü Nagaland & Assam, Padmanabha Balakrishna Acharya (P.B. Acharya) arishi küm 85 ajungba benjungmung pa kinüngtsü Kavita Acharya aser par ketdangser aser staff tem den Raj Bhavan nung sentong tilaka ayongzüka mungogo.
Asür Balakrishna Acharya aser asür Radha Acharya na jabaso, P.B Acharya ya 1931 küm October 08 Karnataka State, Udupi nung aso aser Udupi nung Christian High School nungi class 10 pass asü. Pa ya Mahatma Gandhi Memorial College(1949-51) nung mezüngpur kaketshir liasü. Pa Mumbai University nungi BA (Hons), B.Com aser L.L.B. degree ngua liasü.
Iba anogomung nung Angh aser pa kinüngtsü nati süngo lemsatepba den külemi par staff tem nem tetsür aser tebur süoshi lemja liasü.

You must be logged in to post a comment Login