Nagaland Angh, PB Acharya office nung küm 3 jungogo

Kohima, July 21 (TYO): Nagaland Angh, P B Acharya July 19, 2017 nü office nung küm asem abensaogo, ta tanü PRO, Raj Bhavan sangdong ka nung metetdaktsü.
Iba dak sendakba nung July 20, 2017 nü Raj Bhavan, Kohima nung ketdangsertem aser staff tem Raj Bhavan nung adenshir Angh nem akhüm agüja liasü.
Küm asem abensaba temaitsü Angh, Acharya-i milen asem tsüklok, aser paisa pai tanabuba küm nung inyakba mapatem indang kaket ka sayaja liasü.
2014 küm July 19 nü PB Acharya-i Nagaland Angh atema tenangzükba agia liasü. Tesüiba küm asem tsüngda mapang balala nung Acharya-isa Tripura Angh aser Assam Angh-a repsema aben, aser tang pai Arunachal Pradesh Angh mapa repsema tebendak lir.