Nagaland arrtsülen aonung curfew atsülanger

Dimapur, December 20 (TYO): Assam kübok Nagaland den arrtsüa aliba tesem nung anogo 60 nü atema curfew alitsü mapang atsülanger ta Additional District Magistrate (ADM) Sivasagar, Assam-i metetdaktsü.
Iba tesemji Sivasagar district nung Assam tsütsü arrtsülen kilometer 5 telongtet nung asütsü aser aonung 6:00 ako nungi anepdang 6:00 tashi curfew alitsü, ta ADM, Sivasagar-isa metetdaktsü.
Assam/Nagaland arrtsülen ozüng alema mapa inyakba, telungpurtemi mapa inyakbatem nokdangtsü atema iba tenokdangba agütsür. Iba mapang kija/telok/garitem mesenzüdaktsütsü, ta paisa ashi.
Iba tenokdangba kübok army/CRPF/Police aser civil officials maiter, ta ADM, Sivasagar-isa metetdaktsü.