Nagaland arrtsülen aonung curfew benoker

Mokokchung, October 27 (TYO): Additional District Magistrate (ADM) Sivasagar, Assam-i Nagaland arrtsülen Sivasagar district nung kilometer 5 telongtet nung aonung 6:00 ako nungi anepdang 6:00 ako tashi September 26 nungi tenzüka anogo 60 atema aonung curfew ozüng benokogo.
ADM, Sivasagar-i sangdong ka ajanga, Assam/Nagaland arrtsülen Sivasagar district nung ozüng alema inyakertem aser nisung tamajungertem azüoktsü atema night curfew benokogo, ta metetdaktsü.
ADM, Sivasagar-isa, night curfew ozüng benoka aliba mapang nung kija, telok mesüra garitem senzütsü memelar, ajisüaka army/CRPF/Police ama security sepaitem aser civil ketdangsertembo iba ozüng agi malener, ta sangdong nungsa shia lir.