Nagaland arrtsülen Sivasagar km 5 telongtet nung aonung curfew alitsü

Mokokchung, Monupii/May 30 (TYO): Additional District Magistrate (ADM) Sivasagar, Assam-i Nagaland arrtsülen Assam tsütsü Sivasagar district nung kilometer 5 telongtet nung Rongchii/April 18, 2018 nungi tenzüka anogo 60 atema aonung 6:00 ako nungi anepdang 6:00 ajko tashi curfew ozüng benokogo, ta tanü ketdangsertem osang ajanga metetdaktsü.
ADM, Sivasagar-i sangdong ka ajanga, Sivasagar district arrtsülen Assam/Nagaland arrtsü nungi nisung tamajungertem, kiralongrar aruba nokdangtsüa aser ozüng alema inyakba mapatem nokdangtsü atema aonung curfew ozüng benoker, ta metetdaktsü.
ADM, Sivasagar-isa, aonung curfew mapang nung nija mesüra telok mesüra gari senzüsembongba memelatsü, ajisüaka duty nung aliba Magistrate, Army/CRPF sepaitem den Police aser civil officials bo iba tenokdangba ozüng küboki maitter, ta metetdaktsü.