Nagaland arrtsüleni Mobile ATM yoker

District administration Dimapur ajanga anepalua April 2, 2020 nü Nagaland arrtsülen alirtem senotsü agizüktsü atema mobile ATM yokba nungi nüburtemi sen agizükba noksa ka yangi angur.

Dimapur, Rongchii/April 15 (TYO): District administration Dimapur ajanga anepalua April 2, 2020 nü Nagaland arrtsülen alirtem senotsü agizüktsü atema mobile ATM yoka liasü.
COVID-19 tashidak wara nungi kümzüka alitsü mechi arrtsü ajunga shibangba aser nisung senzüsembongba ajunga nokdangba ajanga item tesemtem nung alirtemi sen agizüktsü asoshi Dimapur yimti mesüra bank alidaki moteter. Arrtsülen alirtem kishizüng tonga mobile ATM yokba ajanga nüburtem aser talisa pensioner tem teyari tulu agütsü, koba mapa tajung asoshi nüburtemi district administration nem tenüngsang agütsür.
Iba ama tensa nung Assam sorkari Nagaland sorkar den akokba agi yaritepba asoshi pelar, ta district administration sangdong ka ajanga ashi.