Nagaland Assembly election nung tokteper crorepati 114 lir

Kohima, Tsüklai 21 (TYO): Tsüklai 27, 2018 nü Nagaland assembly election nung tokteptsüpur candidate 193 nungi parnok 114 bo crorepati lir, aser ibaji candidates shilem 59% shi asütsü. Ano ozüng alema inyakba records alir candidate asem lir.
Candidates indang affidavits ajanga Association of Democratic Reforms (ADR) nung bushitetba nung ajemdaker YouthNet Nagaland Founder, Hekani Jakhalu-i osangbenertem senden nung iba osang ya metetdakja liasü.
Tang mezüng election nung tokteper Ramongo Lotha, crorepati candidates mezüngbuba jenjang nung lir. Yaküm pa Govt of Nagaland for Food & Civil Supplies Dept. nung Secretary menden nungi anisüngzüka liasü; pa JD(U) ticket nungi Wokha district kübok Sanis A/C menden nungi tokteptsü. Pa indang kiojen aser rongsen ajak agi sen crore 38.92 shi jenjang lir.
Crorepati tanabuba aser tasembuba jenjang nung taoba Chief Minister, K L Chishi (BJP ticket nungi Atoizu menden) aser taoba Chief Minister aser NDPP nungi Neiphiu Rio lir, aser pa Northern Angami-II menden nungi tokteptsü.
Jakhalu-i ashiba agi, candidates 46 ket nung kiojen jenjang crore 5 ser tema lir, 42 ket nung sen crore 2 ser tema, 60 ket nung lakh 50 ser tema, 26 ket nung sen lakh 10 ser iba dak tema aser 19 ket nung sen lakh 10 dak tajemba lir.
Affidavit nung candidate 27-ibo parnok income source memetetdaktsü.
Candidates asem criminal records lir aser parnokji- Kashiho Sangtam (BJP ticket nungi Seyochung-Sitimi A/C menden), Toshipokba (NPF ticket nungi Aonglenden A/C menden) aser taoba minister Neiba Kronu (NDPP ticket nungi Pfutsero A/C) nunger lir.
Candidate 193 nungi class-8 pass candidate 16, class 10 pass 19, class 12 pass 17, graduates 69, graduates professional 27, post graduate 36, doctorates 5 aser ka others lir.
Arishi küm sasep nung candidate 7 arishi küm 25-30 tsüngda, candidate 29 küm 31-40, candidates 30 küm 41-50, candidate 66 küm 51-60, candidate 44 küm 61-70, candidate 7 küm 71-80 aser candidate tambutisangji arishi küm 81 lir.