Nagaland Assembly-i 2016-17 atema crore 13,658.74 budget agizük

Assembly Session tatsütiba liasü

Kohima, March 19 (TYO): Nagaland Legislative Assembly-i voice vote ajanga 2016-17 budget sen crore 13,658.74 agizük.
Taoba küm asoshi budget ji crore 12,592.69 liasü aser 2016-17 budget nung yaküm dang nungi crore 1066.06 timba enoksemogo.
Züngsem 60 agi akümba assembly nung NPF-i aniba DAN sorkar lir. Opposition maliba sorkar nung züngsemtemji NPF nungi 48, BJP nungi 4 aser Independent nungi 8 lir aser tanü sorkar department 82 atema demand for grants nung züngsem shingaia cut-motion mebenoki Budget agizüka ayu.
Chief Minister T R Zeliang-i Budget Portfolio amsema inyaker aser March 17 nü pai sen crore 225 talila enoksemer assembly nung Budget benoka liasü.
Tanü senden nung Assembly Committee on Estimates aser Committee on Subordinate Legislation Chairman, G Kaito Aye-i Assembly Committee report tem metetdaktsü.
Chief Minister TR Zeliang-isa March 31, 2015 atema Comptroller and Auditor General (CAG) report benok.
Tatem nung Assembly Speaker, Chotisuh Sazo-i 2016-17 atema financial o non-financial committees aser panel of chairmen tentetba osang metetdaktsüba sülen 12 buba Nagaland Legislative Assembly nung 11 buba session tembang.
Tanü agiba session ji Assembly session tatsütiba liasü. March 15 nungi tenzüker anogo pungunü agia aruba session rongnung tatembangbaji minute 13 dang agi.