Nagaland Bar Association ketdangpur tasen shimogo

Dimapur, February 13 (TYO): Deputy Commissioner office complex nung Dimapur, Nagaland Bar Association (NBA) senden ka mena ketdangpur aser Managing Committee züngsem tasentem shimogo, ta NBA sangdong ka ajanga metetdaktsü.
Tan shimba ketdangpur tasentemji: Tir- Tali Ao; Tatong Tirtem- Imkong Jamir, N. C. Murry aser Kehriengulie; Tongti Tezülur- V. Hukavi Zhimomi; Repsem Zülur- Nathaniel Kevichusa aser Senyur- B. C. Jain nunger lir.
Managing Committee züngsem tasen nung C. T. Jamir (Senior Advocate), Akito Zhimomi, N. K. Luikham, N. Y. Temjen, Ashipri Zho aser Petevino K. Liegise nunger shim.
Tang shimer ketdangpurtem aser Managing Committee züngsemtem ajaki küm ana, 2016 nungi 2018 tashi, office mapa abentsü.
NBA record tem ajak hopta ana tsüngda nung tang shimba ketdangpurtem nem benzüka agütsütsü asoshi iba senden nung telemtetba agiogo, ta kasa sangdong ajanga metetdaktsü.
Sangdong ajangasa ashiba agi, unit ajak nungi Tir aser Tongti Tezülur tem ajak Managing Committee nung ex-officio züngsem kaka asütsü ta kasa senden nung lemtet.
Dimapur Bar Association Tir aser Tongti Tezülur nati iba senden ayonger takok manung aniba asoshi senden tatem nung tena dang pelaba record nung ayu.