Dimapur, June 14 (TYO): Deputy Chief Minister aser Nagaland BLP Leader Y. Patton den state BJP President, Temjen Imna Along nati Minister of State for Youth Affairs & Sports Kiren Rijiju den ajurutep.
Shastri Bhawan, New Delhi nung tena den Manipur Chief Minister dena Rijiju den pa indang office nung ajurutepa senden amen.
Senden nung Y Pattom-i Kiren Rijiju nem MOS (Independent charge) Ministry of Youth Affairs & Sports mapa inyaktsü lemzüktsüba atema pelaba metetdaktsü aser tenüngsang agütsü.
Y Patton-isa Rijiju dang North East Region aser talisa Nagaland state nung BJP party tashi itdaktsütsü indang onük lemsatep.
Iba mapang Nagaland nung terenlok mapa balala inyaktsüba indang onüktem den Naga yimten olemtep tekaratiba nung inyaktsü lemsatepa liasü.
Nagaland BJP lennirtemi Kiren Rijiju den ajurutep added by nungsang on
View all posts by nungsang →
You must be logged in to post a comment Login