Nagaland Cabinet-i menur ang CAB anema noktaker

Dimapur, January 30 (TYO): Nagaland Cabinet-i Citizenship Amendment Bill (CAB) 2016 anema noktaktsü aser magizüktsü lemtetbaji pelashishia agizüker saka iba ya menur inyakba mapa ka lir, ta NPCC president K Therie-i ashi.
Parliament nung CAB posema vote agütsüba aser PDA sorkari Bill anema menokdaker ta shiyonga aruba sülen CAB magizüker ta lemtetba ajanga parnoki mapa nung tamakok anguba sayur, ta K Therie-sa ashi.
PDA sorkari yamai tebilemba melenshiba ajanga nübortemi parnok dak tamang mekatettsü ta kuli tejangja sayur. PDA sorkari nendaka aser shitakba nangzüker süra, parnoki BJP den tesentaktep pilatsüla aser aibelenba atema tatok meshitsüla, ta NPCC President-isa metetdaktsü.