Nagaland CEO-i party ajak senden ka ayonga agi

Kohima, August 14, 2019: August 14, 2019 nü Hotel Japfu, Kohima nung Nagaland CEO-i Electors Verification Program (EVP) aser Special Summary Revision of Photo Electoral Rolls dak sendakba nung state level senden ka ayongzüka amendang tangokba noksa nung angur.
Kohima, August 14, 2019: August 14, 2019 nü Hotel Japfu, Kohima nung Nagaland CEO-i Electors Verification Program (EVP) aser Special Summary Revision of Photo Electoral Rolls dak sendakba nung state level senden ka ayongzüka amendang tangokba noksa nung angur.

Kohima, Luroi/August 14 (TYO): August 14, 2019 nü Hotel Japfu, Kohima nung Nagaland Chief Electoral Officer office-i Electors Verification Program (EVP) aser Special Summary Revision of Photo Electoral Rolls dak sendakba nung Nagaland nung yimtenren party ajak nungi state level senden ka ayongzüka agiogo, ta ketdangsertem osang ka ajanga metetdaktsü.
EVP indang tongti nükjidongji voters indang osangtem reprangshitsü, osangtem metongshitsü aser kibong züngsemtem osang jangjaba ajanga Electoral Services tajungba agütsütsü aser electoral Roll tajungba akümtsü atema lir.
Iba senden nung CEO Nagaland, Abhijit Sinha-i yimtenren party balala nungi züngsemtem aser ketdangsertem den EVP ajanga electoral roll jenjang tajungba akümtsü atema o lemtepa liasü.
Yimtenren party temia electoral rolls dak sendakba onüktem aser election mapang nung electoral roll tim mesüi amshiba indang CEO nem metetdakja liasü.
Iba senden nung adener yimtenren party temisa Election Commission of India (ECI)-i nüburtem atema electoral inyakyim tezüpaba kümdaktsüba atema pelaba lemsatepaba den külemi EVP ajanga election nung tim mesüi benshiba mapatem agientsü imlar, ta ashi.

You must be logged in to post a comment Login