Nagaland CEO indang social media sites nung votes azüngba metettsü

Dimapur, May 22 (TYO): Brihostibarnü votes azüngtsü atema mapa ajak renema lir ta tanü Nagaland CEO, Abhijit Sinha-i ashi.
District ajak nung Lok Sabha 2019 election aser 26-Aonglenden (ST) AC indang by-election indang votes azüngtsü atema renema lir..
Nagaland kübok tesem 13 nung asüngnep 8:00 ako nungi votes azüngtsü.
Election Commission-i mapa lemzüktsüba Observer 21 prongla pei pei lemzükba tesemtem tongogo aser counting atema mapa renemba reprangogo, ta Nagaland CEO-isa ashi.
Election Commission of India indang website https://results.eci.gov.in nung results sayutsü aser ano Google Play Store nungi Voter Helpline Mobile App download süa reprangtettsü, ta paisa shisem.
Maneni, CEO Nagaland indang social media sites-i ceonagaland.nic.in, facebook- nagalandceo, instagram- ceonagaland.itcell, twitter- ceonagaland aser youtube- CEO election Nagaland nunga votes azüngba osang metettsü akok.
Nagaland nung aliba counting centres ajak nung media cells lapoktsü aser parnoki media nisungtem den osang lemsateptsü.
Kohima nung aliba Old NST tesem nung projector ka ajanga live counting sayutsü.