June 15, 2016 nü DC Conference hall, Wokha nung CEO, Nagaland, Sanjay Kumar-i ketdangsertem den senden amendang agiba noksa ka angur.
Dimapur, June 15 (TYO) : June 15, 2016 nü Chief Electoral Officer, Nagaland, Sanjay Kumar-i Wokha district semdang aser DC’s conference hall, Wokha nung District Administration, District HoDs, Supervisors, BLOs aser NGOs den senden ka amen.
Senden nung CEO Sanjay Kumar-i ashiba agi, election dak sendakba mapa inyaker ketdangser kari danga nisung tenüng agienra mesüra enoksemra ozüng tesashi agi merenshitsü, anungji election commission-i tetuyuba agütsüba ama mapa inyaktsüla.
District level officers-i electoral roll nung tenüng khen dang nungi talila züluoka aliba agientsü aser E/roll asüngteta ayutsü atema vote agütsür kati tesem ka nung dang enrolled/registered asütsülasa mapa inyaktsüla, ta paisa metetdaktsü.
Sanjay Kumar-isa Supervisors aser BLOs dang senden aser training tem nung adentsü ayongzük.
Wokha District kübok polling station kar nung aibelen aser tim masüba inyakyim kar puteta lir, anungji district ketdangsertemi itemji metongshia inyaktsüla, ta CEO-isa shisem.
Senden nung ADC, Wokha, Thavaseelan (IAS) aser AEO, Wokha Toshimongba nati Wokha nung NERP aser SVEEP maparen inyakba indang power point presentations sayu.
Senden nung mendenji DC & DEO Wokha, Wezope Kenye liasü aser SDO (C) Wokha, Mhomo Tungoe-i anküp tepela o jembi.
Joint CEO Moa Aier, Dy. CEO aser Asstt. CEO Awa Lorin nati Chief Electoral Officer, Nagaland, Sanjay Kumar meina aru.
You must be logged in to post a comment Login