Nagaland Chief Secretary lenisüba nung AHoDs & HoDs senden agi

Dimapur, September 29 (TYO) : September 29, 2015 nü Nagaland Chief Secretary, Pankaj Kumar, IAS menden ser AHoDs & HoDs senden agiogo.
Iba senden ya Secretariat Conference Hall nung agi aser Social Welfare, Election, Health & Family Welfare aser P&AR department temi powerpoint presentation ajanga peii inyakba mapatem indang osang metetdaktsü.
Social Welfare Department-i onük ka benokba nung ajemdaker Chief Secretary-i directorates o districts office tasen yanglutsü alirtemi matamabensartem atema ramps den yanglutsü tetuyuba agütsü.
Tanü senden nung Health & Family Welfare Department-i ashiba agi, küm shia medical reimbursement atema sen crore 22 tashi endoker aser item bills & cash memos tem reprangtsübaji mapa tasak lir.
Senden nungsa Civil Secretariat nung mapa inyakertem aika mapai maruba indang onük benoka jembi aser iba khuret atema Departments of Home, P&AR aser IT&C-i inyakyim ka latettsü mapa lemzüktsü.