Nagaland Cl. 10, 12 result sangdongogo Wangshitemjen Ozukum-i topper angu

Kohima, Monupii/May 02 (TYO): Brihostibar nikongdang Nagaland Board of School Education (NBSE)-i HSLC Class 10 aser HSSLC tatidang osang sangdongogo, aser taküm class pur takok angur shilemji 68.29 liasü, aser HSSLC (Class 12) pur takok angur shilemji Science stream nung 81.37, Commerce shilem 74.68 aser Arts stream nungi shilem 74.44 liasü.
Taküm HSLC nung state topper ji Mokokchung nungi Wangshitemjen Ozukum liasü aser pai mark 600 nungi 588 angu (shilem 98); ano külen HSSLC topper ji Dimapur nungi Suhana Begum liasü, lai mark 500 nungi mark (480) angu (Commerce stream nungi shilem 96). Arts nung Imtijungla Pongen-i shilem 94.40 (472/500) aser Science stream nungi Ananya Kumar Das-i shilem 94.60 (473/500) angu.
Taküm Nagaland nung Class 10 pur kaketshirtemi yaküm result dang nungi shilem 2 (66.01) agi tajungba nguogo. Ano Class 12 Commerce aser Arts kaketshirtemia yaküm dang nungi shilem 1 agi tajungba nguogo; Science stream nungbo shilem 3 jungnüa agi tamajungba liasü.
State nung nija school tem nungi class 10 nung azünger shilem 84.76-i takok angu aser state sorkar school tem nung azünger shilem 43.32-i dang takok angu.
Nija school aser sorkar school nung azünger Class 12 pur kaketshirtem tsüngdabo tepila kangabo maliasü.
Arts Pass Percentage:
Government schools – 76.24%
Private schools – 82.43%
Commerce Pass Percentage:
Government schools – 87.27%
Private schools – 80.34%
Science Pass Percentage:
Government schools – 72.48%
Private schools – 86.77%