Nagaland CM-i Rajnath den state nung security tensa lemsatep

New Delhi, Rongchii (April) 19, 2018: Tanü New Delhi nung Nagaland Chief Minister, Neiphiu Rio leniba nung teshimtet telok kati Union Home Minister, Rajnath Singh ajurua senden amenba noksa nung angur. Kasa noksa nungsa Union MoS Home Affairs, Hansraj Gangaram Ahir aser Union Home Secretary, Rajiv Gauba nata angur.

New Delhi, Rongchii (April) 19 (Agencies): Tanü, Yangtepnü (Brihostibar) New Delhi nung Nagaland Chief Minister, Neiphiu Rio-i Union Home Minister, Rajnath Singh ajurua state dak sendakba onük balala benoka o lemtepogo, ta osang ka ajanga metetdaktsü.
Minute 20 shi senden amenba mapang nungsa chief minister, Rio-i Union home minister, Singh dang state nung security tensa indang metetdaktsüba den külemi police infrastructure tajungba akumtsü atema state sorkari Centre teyari nüngdaker, ta shiogo, ta sorkar otongdar kati metetdaktsü.
Kasa senden nung Union Minister of State for Home, Hansraj Gangaram Ahir, Union Home Secretary Rajiv Gauba, Ministry of Home Affairs nungi tongti ketdangsertem aser Nagaland sorkar nungi tongti ketdangsertema densema liasü.