Nagaland CM-i Twitter account lapok

Kohima, Metsüremi (March) 16 (TYO): Technology amshia nüburtem den social media ajanga tongtepratepa jembitsü atema Nagaland Chief Minister aser taoba MP, Neiphiu Rio micro blogging site Twitter nung denogo.
Chief Minister-i twitter ajanga, “Nagaland nung terenlok alitsü aser yimjung alitsü atema asen nübur ajak den amalitepa inyaktsü ni yongyaa atar,” ta lemsatep.
Ano pa indang tanga tweet rongnung Metsüremi 16, 2018 nü pai India Ato kilonser, Narendra Modi ajuruba densema lir.
Chief Minister indang account @Neiphiu_Rio ajanga pa ‘follow’ sütettsü.