Nagaland CM-i Yemshe & Tsokum benjung salem abener

Kohima, October 04 (TYO): Nagaland Chief Minister, TR Zeliang-i Pochury aser Khiamniungan nüburtem dang Yemshe aser Tsokum benjungmung salem lemsateper, ta Chief Minister’s Office, Nagaland, Media Cell-i sangdong ka ajanga ashi.
Yemshe aser Tsokum benjung salem lemsateper, kechiyong item benjung ya Naga kin- Pochury aser Khiamniungan na atema tongtibang benjung lir. Iba benjung ya adianu ama temeimtep nung amungba ajanga kin anaprong nem yimjung, azükaru aser tesünep bener arutsütsü imlar, ta Chief Minister-i benjung salem lemsatepba osang kasa sangdong ajangasa metetdaktsü.