Nagaland CM Rio-i tenüngsang agütsür

Kohima, October 31 (TYO) : India government o Naga nunger yimten nüchiso bushir teloktem na tsüngda yimten tebilemtsü ken o tatembang küma latetba osang angashia pelaba osang ka Nagaland Chief Minister, Wb.Neiphiu Rio-i metetdaktsüogo.
Ibai Naga nunger aser linük asoshi tepelatsü osang tulu lir. Joko, yimjung nung alima renloka otettsüsa lenmang lapoker asütsü ta paisa ashi.
Rio-i India tenüng nung Naga nungertem den jembir, Wb.R.N.Ravi, NSCN-IM aser NNPGs telok ajak nem tenüngsang agütsü. Paisa lokti tentet aser arogo purtemi yimjung asoshi bendanga agüja inyakba mapatem asoshi pelaba metetdaktsü aser Naga nunger asoshi putu tasen ka tenzüker asütsü ta ashi.