Nagaland CM T.R.Zeliang okadaki ajar

Dimapur, December 07 (TYO) : Nagaland Chief minister, T.R.Zeliangi pa tazüngba jenjang (qualification) tiyazü amshiogo ta aitsüba ken o angadangtsü asoshi Kohima nung Judicial Magistrate First Class okadaki sangküm 2016 küm January 7 nü pa jaoka lir.
2013 küm State assembly election tokteptsü asoshi tenüng agütsüba mapang, T.R.Zeliangi pa B.A tashi azüng ta affidavit nung azüngashia zülur agütsübaji tai ta aija, nisung ka tenüng agi Maziezokho Nisai okadak ken o benok.
Ibayongji, iba taitsüba ken o ji jangjatsü atema okadak nungi obendangeri akhidang T.R.Zeliang azüngdak Kohima College nung principal aser North Eastern Hill University nung Registrar dangi kuli tejangja meshia zülu. Iba sülen parnoki agütsüba kuli ajanga Taditui Zeliang-ji B.A tatidang 1979 küm agütsü saka subject ajak nung tamakok angu ta metetdaktsü. Iba tatidang nung pa indang Roll numberji 598 liasü ta pa anema okadak ken o agütsüsangi tanü metetdaktsü.
Ibaji jangjashia jembitsü aser angadangtsü asoshi Kohima nung Judicial Magistrate First Class okadaki January 7, 2015 nü T.R Zeliang arutsüla ta metetdaktsüogo.
Election nung toktepertemi election nung tokteptsü asoshi pei tenüng agütsüdang, affidavit nung langka danga tiyazü azüngashiba putetra, Representation of Peoples Act, 1951 ozüng ajanga temerenshi ita trok tashi tepuokdak ayutsü mesüra senchi achitsü mesüra tepuokdaka ayutsü aser senchia achitsü akok ta shia lir.