Nagaland CM, TR Zeliang-i DoNER Minister ajuru

New Delhi, May 12 (Agencies): Tanü New Delhi nung Nagaland Chief Minister, TR Zeliang-i Union Minister of State (Independent Charge) for Development of North Eastern Region (DoNER), MoS PMO, Personnel, Public Grievances, Pensions, Atomic Energy & Space, Dr Jitendra Singh ajurua state nung terenlok aser ketdangsüba dak sentakba onük balala jembiogo.
Iba senden nung Nagaland CM-i DONER Minister dang tesüiba küm ana nung Modi’er sorkari Nagaland atema nendaka inyakba asoshi melung asüba den külemi amalitepa onük aika atema inyaktsüba atema lemsatepa liasü.
Ano külen Union Minister, Dr Jitendra Singh-ia TR Zeliang dang, DoNER Ministry aser India sorkari Nagaland nung terenlok project tem tekaraba nung inyaktsütsü atema tebilemba lir, ta metetdaktsü.
Minister-isa, state nung airport ka aser medical college ka nüngdakbaji pai rajema lir aser iba atemaji pai Ministry of Civil Aviation aser Ministry of Health & Family Welfare den tongtepratepa inyakdar, ta metetdaktsü.
TR Zeliang den Cabinet nung senior Minister tema liasü, aser parnoki DONER Ministry kübok tang teinyaktak project balala indang osang Union minister nem metetdaktsüba den külemi iba atemaji tebilemba onük kar lemsatepa liasü.
Paisa, tarutsü atema project tasen kar atema benoka liasü.