Nagaland Commissioner-i ITC semdang

Dimapur, April 24 (TYO): April 22, 2017 nü Commissioner Nagaland, Sentiyanger Imchen, IAS-i International Trade Centre (ITC) semdangogo aser tang ITC nung Myanmar arrtsü atsü teyangludak reprangdangogo.
Iba sülen pai council hall, Dan village nung Dan aser Pangsha yim nungi GB council züngsemtem aser sensotem den senden ka mena liasü.
Iba senden nung Commissioner-i sensotem dang Myanmar aser India na tesendaktep tajungba akumtsü atema survey agitsü asoshi linük ana nungi joint survey team nem temelaba agüjang, ta sensotem dang mepishi.
Paisa, kobi melii state aser Centre sorkari tang arrtsü atsü tatsüdak indang jembitsü, ta metetdaktsü.
Paisa, Dan aser Pangsha nüburtem aluyimba li tuluka makai aliba tebilemtsü indanga state sorkari lemsateptsü, ta metetdaktsü. Paisa Dan aser Pangsha nungertem dang Myanmar kübok kidanger yim den tesendaktep tajung ayutsü mepishi.
Commissioner den Commanding Village Guard Tuensang, Imsusangba, ADC Noklak, Mhathung Tsanglao aser Kohima headquarter nungi ketdangsertema dena liasü.