Nagaland Congress (NC)-i National People’s Party (NPP) den loktep

Dimapur, Tsüklai 5 (TYO): Nagaland nung assembly election agitsü hopta asem shi anünga lia Tentonü Nagaland Congress (NC)-i National People’s Party (NPP) den loktepogo.
Nagaland nung political party tasen National People’s Party (NPP) jenjang ajungketja Nagaland Congress tir Nillo Rengma-i anir party züngsemtemi NPP den loktep.
NPP national president, Conrad K Sangma lenisüba kübok party tashi itdaktsütsü atema NC-i NPP den lokteptsü telemtetba agi. Iba tesem nung nübortem taginüba tongteta inyaktsüba telokji NPP dang lir, ta tanü Nillo Rengma-i osangbener dang ashi.
NPP-i Naga People’s Front (NPF) den pre-poll alliance ayutsü atema jembitepdar saka tang tashi ano tatembang telemtetba ka magi lir, ta paisa ashi.
Tanü NC aser NPP ka küma loktepba sentong nung NPP national president, Conrad K Sangma aden aser pai ashiba agi, Nagaland Congress party nungi yimten lennir tejentem NPP nung adenba ajanga nübortemi NPP dak tamang akaba sayur.
North east tesem indang tebilemtsütem atema sabangji NPP dang lir, ta Conrad-isa ashi.
Nagaland state unit, NPP president, Ato Yepthomi-ia ashiba agi, NPP indang candidate tem tenüng yakta sangdongtsü.
NPP-isa Nillo Rengma lenisüba kübok züngsem trok agi akümba Election Committee ka shim aser parnoki NPP atema election maparen ketdangsüa reprangtsü.