Nagaland CS-i Aadhaar sendakteptsü ayongzüker

Dimapur, Chiteni (July) 30 (TYO): State Scheme aser Centrally Sponsored Scheme kübok Direct Benefit Transfer inyaktsü atema akokba tashi tangutsüpurtem indang Aadhaar sendakteptsü ta Nagaland Chief Secretary & Finance Commissioner, Temjen Toy, IAS-i metetdaktsü.
Aadhaar sendaktepba aser Direct Benefit Transfer ajanga tangutsür keti sen aser tanga tangutsü ajak aotsüla. Anungji scheme inyakba Department/Agency ajaki beneficiary Bank Account den Aadhaar seeding mapa mapang shia reprangtsü aser tekaratiba nung tembangtsü mepishir, ta Temjen Toy-isa ashi.
Beneficiary tem ket nung Aadhaar number maliyonga kecha masü aser parnoki Aadhaar number mangu tashi tanga kulikattem- namely, voter identity card, PAN card, Ration card amala amshitsü akok, ta paisa shisem.