Nagaland den arrtsü anasa ‘night curfew’ alitsü

Dimapur, June 9 (TYO): Assam kübok Nagaland den arrtsüa aliba tesemtem nung maneni Night Curfew alitsü ozüng agütsür ta Addl. District Magistrate, Sivasagar, Assam-i sangdong ka nung metetdaktsü.
Sivasagar district nung Nagaland den arrtsüa aliba kilometre 5 telongtet nung nikongdang 6:00 ako nung anepdang 6:00 ako tashi nisung, telok mesüra garitem senzütsü memelar, ta Addl. District Magistrate-isa ashi.
Iba tenokdangba ya May 19, 2017 nungi tenzük aser maneni anogo 60 tashi alitsü. Ajisüaka, sepaitem aser ketdangsertembo tenokdangba kübok maitdaktsür, ta paisa shisem.