Nagaland Education Association tentet

Kohima, November 12 (TYO): Nagaland nung education degree holder tem National Education Day amungdang “Nagaland Education Association” ta ser telok tasen ka tentettsü telemtetba agi.
Nagaland Education Association (NEA) ya education degree holders atema sabang ka asütsü aser educationist o educators taginübatem wazüka ayutsü. NEA ajanga shisaliok bushibaren nung ketdangsüa mapa inyaktsü, shisaliok jenjang tajungba kümdaktsütsü asoshi yariteptsü aser shisaliok dak sendakba reju, telok, department amala den tesentaktep lia inyaksangshitsü.
Kümsük 2016-19 atema NEA ketdangpurtem shim aser parnokji president- Zavise Rume, vice president- Kevizakielie Suokhrie, general secretary- Dr. Bweyhunle Khing, joint secretary- Sanjay Sinha, treasurer- Markangla Jamir aser Viseizolie Yashii information & publicity secretary lir.
NEA Advisors tem- Vipralhou Kesiezie- Retd director SCERT Nagaland, C. Khalong Ao- Retd director higher education, Dr. Lungsang Zeliang- HoD, Education department Nagaland University, John Lohe- Retd joint director school education, (Dr). Fr. Peter Salew, parish priest Christ King Church Kohima village aser Dr. Bendangyapangla, principal, State College of Teacher Education.
Constitution drafting committee züngsemtem- Ikali Chishi, Jievitho Nyuwi aser Neizekhonuo Liezietsu.