Nagaland Finance Department-i metetdaktsür

Dimapur, November 18 (TYO) : November 8, 2016 nü India sorkari Mahatma Gandhi series indang senpak 1000 aser 500 tem agienogo aser item sen December 30, 2016 tashi nung melentettsü, ta Principal Secretary & Finance Commissioner, Temjen Toy-i Hokolbarnü sangdong ka nung metetdaktsü.
Sen lakh 2.50 tema rizüngba account tem jungjunga bushisüngdangtsü aser income den meputepba sen atema asüngdangyatsü, ta Principal Secretary & Finance Commissioner-isa sangdong nung shia lir.
Income tax magütsütsü atema jenbua aliba tribal nisung ajaki pei account nung non-tribal tem indang sen merizüngdaktsütsü atema tetuyuba agütsür. Nisung kari ozüng alema amshiba sen melenzüktsü atema mapa inyaker aser iba nung tribal tem indang bank account tem nung parnok sen rizüngdaktsür. Ajisüaka, ozüng alema bendenba sen melenertem ozüng tesashi kübok merenshitsü ta Centre sorkari osang metetdakja lir, ta Temjen Toy-isa shisem.