Nagaland (G) Bn NCC Annual training Camp tembangogo

Kohima, Yimpoksüi/Nov 17 (TYO): NCC Group HQ, Kohima kübok 1 Nagaland (G) Bn NCC-i St Joseph College, Jakhama nung anogo 10 nü tashi Training Camp ayongzüka agiba sülen tanü, November 17, 2018 nü tembangogo.
Iba camp nung tetsür cadets 293 den state tesem balala nungi Associate NCC Officers dena liasü.
Iba camp ya NCC Cadets lenla ajak nung renlokdaktsütsü nükjidong nung ayongzüka agi, aser item rongnung Physical training, Drill, Weapon training aser linük yangerba, Career planning aser general health den merükmejuba densema liasü.
Iba camp tembangba nüngtem nung NCC Cadets-i sobaliba sentong-a ka ayongzüka agi, aser iba sentong nung tongti tesemdangerji Col Debaraj Bhattacharya Comdt 3 (Naga Hill) Assam Rifle aser tetushi tejaokerji Rev. Dr. Sebastian Ousepparampil Principal St Joseph’s College, Jakhama liasü.
Sentong nungsa tetoktepba balala- saisapong, Tent Pitching, Firing, Map reading, Drill, cultural programme nung takok angurtem nem sempet agutsü.
Col Rajeev Kumar, Camp Commandant-i ashiba agi, Annual Training Camp nung nüngtugu nisungtemi HIV Aids, drug abuse, vector borne diseases, disaster management, health & hygiene nung tesayuba aguja liasü.
164 Naga TA Bn & 3 (NH) Assam Rifles Bn nati weapon display saya aser career counseling agutsü.