Nagaland Gandhi Ashram nung Gandhi Jayanti among

Dimapur, October 2 (TYO): October 2, 2017 nü Nagaland Gandhi Ashram, Chuchuyimlang nung Mahatma Gandhi sor küm 148 ajungba benjung ayongzüka amung.
Sentong nung tongti o jembirji Chuchuyimlang Baptist Arogo Associate Pastor, Temsu Yaden liasü aser pai tanü tensa den Mahatma Gandhi atishia jembi, ta Nagaland Gandhi Ashram Chuchuyimlang Trustee, Dr Aotoshi-i sangdong ka nung metetdaktsü.
Iba anogomung tenüng nung anepdang school tanurtemi merükmeju mapa inyak aser Chuchuyimlang aser Chuchu town kübok primary school 8 nungi kaketshirtem tsüngda Mahatma Gandhi-i sapuba Khristan kentem toktepba liasü, ta sangdong nungsa shia lir.