Nagaland GB Federation-i Ato kilonser Modi ajuru

New Delhi, August 03 (Agencies): Brihostibarnü New Delhi nung Nagaland GB (Gaon Burahs) Federation nungi züngsem 15-i akümba teshimtet telok kati Ato kilonser, Narendra Modi ajuruogo; Nagaland GB Federation ya Naga nunger yimtsüng ajak nungi tentetba Gaon Burahs tentet ka lir.
Parnoki, Ato kilonser ajuruba atema pelar aser Naga nunger yimjung maparen atema melungsoa Ato kilonser nungiter, ta metetdaktsü.
Parnokisa, Ato kilonser, Modi leniba kübok iba maparen junga latettsü imlar, ta ashiba den külemi lokti tentet aser kin ajaki yimjung aginer, ta metetdaktsü.
Ato kilonser, Modi-ia iba telok ajuruba atema pelar, iba den külemi yimjung osang bener aruba atema pelar, ta metetdaktsü.