Nagaland Girls Bn NCC Training Camp tembangogo

Kohima, Yimpoksüi/November 18 (TYO): NCC Group HQ, Kohima lennisüba kübok St. Joseph College, Jakhama nung 1 Nagaland (G) Bn NCC-i anogo ter tashi ayonga agiba Annual Training Camp sentong Yimpoksüi/November 17, 2018 nü tembangogo.
Iba training sentong nung Cadet tetsür ajak agi 293 den Nagaland ajak nungi Associate NCC Officer tem aruagi dena liasü.
Training Camp sentong agiba mapang military training dak sendakba onüktem talisa Physical training, Drill, Weapon training aser lokti atema tanga tongtibang onüktem talisa National Integration, Motivation, Career planning aser temang anepaluba aser anema aliba densema tongtibangsa lenla ajak nungi NCC Cadet ka renloktsü asoshi onüktem lemsatep.
Sentong takok ngua tembangba tepela nung NCC Cadet temi sobaliba sentong ka achayanga agia liasü. Iba sentong nung Col Debaraj Bhattacharya Comdt 3 (Naga Hill) Assam Rifle tongti tesemdanger ama jaok aser tetushi tesemdangerji Rev. Dr. Sebastian Ousepparampil, Principal St Joseph’s College, Jakhama liasü.
Tetoktepbatemji saisapong, Tent Pitching, Firing, Map reading, Drill, sobaliba sayaba aser telemsa blalala nung tendanga takok angur Cadet nem sempet agütsüogo.
Training Camp sentong agiba mapang tetsür NCC Cadet tem atema 3 (NH) Assam Rifles Bn-i prangbong injang sayaba aser career counselling sentong ka ayonga agütsü.