Nagaland Governor-i Ahuna salem abener

Dimapur, November 12 (TYO) : Nagaland Governor-i Sumi nunger den Ahuna Festival 2016 salem osang metetdaktsü.
Sumi nungeri Ahuna benjung ya aluru sülen amunger aser iba mapang alu rutenba atema tenüngsang agütsür aser Küm Tasen atema temoatsü meshir, ta PRO, Raj Bhavan Kohima sangdong ka nung metetdaktsü.
Tulusang Tsüngremi asenok meimba aser temoatsü nung alu rudaktsüba atema tenüngsang agütsüdi. Tanü asenoki asen ‘Kisan’ temk dang pelaba sangoktsür aser parnok asoshi sarasademtsür. India ya aluyimba dak sendakba linük ka lir. Asenok ajak longjemer Kisan tem asoshi mapa inyakdi, ta P.B Acharya-isa ayongzük.
Central & State welfare project/schemes balala asen Kisan tem atongtsü atema asenoki mapa inyakdi aser ajungmesodi. Parnoki Kisan Credit Card, Kisan Soil Card amala Central Government Welfare Projects aser Jhan Dhan Yojna atema ajungmesodi, ta paisa ashi.
Ni Sumi nunger ajak den tepela lemsateper aser iba benjung ajanga yimjung, telongjem aser lokti nung teputet adokdakjang ta moatsür, ta Nagaland Angh-isa metetdaktsü.